អំបោះធ្វើពីផ្លែកប្បាស៖
20,Oct,2023
នៅភូមិមេមុំ ស្រុកកោះញែក ខេត្តមណ្ឌលគិរី លោកយាយ ក្លឺ ប៉្លុញ អាយុជាង៨៦ឆ្នាំ គឺជាជនជាតិថ្មូន ចេះផលិតសរសៃអំបោះបានពីផ្លែកប្បាស ដែលគាត់ដាំខ្លួនឯងនៅក្បែរផ្ទះ។
លោកយាយយកកប្បាសដែលទុំក្រៀមមានសរសៃប៉ុយសំឡី (ដូចជាសំឡីផ្លែគ) ប្រលេះគ្រាប់ចេញ និងគោះឲ្យអស់ធូរលីដី ឡើងពណ៌សក្បុស មុនយកទៅរវៃបង្កើតជាសរសៃអំបោះ រួចរុំរមូរចូលគ្នាមានទំហំប៉ុនផ្លែក្រូចពោធិ៍សាត់។
គេយកសរសៃអំបោះធ្វើជាទានក្រមួន និងយកទៅធ្វើក្នុងកិច្ចពិធីសាសនាផ្សេងៗ។
