លោកតាអាចារ្យរៀបកិច្ចពិធីបំបួសនាគ
20,Oct,2023
លោកតាអាចារ្យ ទើ ទីន អាយុ៧៣ឆ្នាំ គឺជាអាចារ្យវត្តធិបតី-ពោធិរាម ដែលជាវត្តស្ថិតក្នុងឃុំត្រីញ័រ ស្រុកពួក ខេត្តសៀមរាប។ លោកតា ទើ ទីន គឺជាអាចារ្យចេះរៀបចំពិធីបំបួសនាគ ទៅតាមកិច្ចពិធីពីបុរាណ បានយ៉ាងក្បោះក្បាយ មានដូចជា៖
-រៀបចំកោរសក់នាគ
-ធ្វើគ្រឿងរណ្តាប់
-ពិធីសែនអ្នកតាម្ចាស់ទឹកម្ចាស់ដី
-រៀបចំសម្អិតសម្អាងខ្លួននាគ
-ពិធីសែនចងដៃ
-ពិធីដែលនាគលាសាច់ញាតិទៅបួស
-ពិធីហែនាគ
-ពិធីសែនចងដៃនាគ
-រៀបអង្កររាបសម្រាប់នាគដេក
-ពិធីសូត្រហៅព្រលឹងនាគ
-ពិធីសំពះជុំវេលា ព្រះអាទិត្យព្រះច័ន្ទ
-ពិធីធ្វើធ្មេញនាគ
-ពិធីនាគលេងទឹក និង
-ពិធីបំបួស ព្រះគ្រូទាក់កនាគបំបួស ក្លាយជាភិក្ខុសាមណេរ។
ក្នុងពេលលោកតាអាចារ្យនៅមានជីវិត លោកតានឹងបន្តកិច្ចពិធីបំបួសនាគឱ្យពិស្ដាររហូត ក៏ប៉ុន្តែនៅពេលអស់ពីលោកតាទៅ នោះមិនដឹងថា ជំនាន់ក្រោយនឹងខំបន្តពិធីសាសនាដ៏ក្បោះក្បាយបែបនេះទៀត ឬយ៉ាងណា។
