ខ្លោងទ្វារទន្លេអុំនៃក្រុងអង្គរធំ
01,Nov,2023
ក្រុងអង្គរធំ សាងក្នុងរាជព្រះបាទជ័យវរ្ម័នទី៧ នាចុងសតវត្សរ៍ទី១២។ ក្រុងនេះមានខ្លោងទ្វារចេញចូលចំនួន៥ មានឈ្មោះដូចជា ខ្លោងទ្វារទន្លេអុំ, ខ្លោងទ្វារខ្មោច, ខ្លោងទ្វារជ័យ, ខ្លោងទ្វារដីឆ្នាំង និង ខ្លោងទ្វារតាកាវ។
ខ្លោងទ្វារទាំងអស់នៃក្រុងអង្គរធំមានសាងរូបព្រះលោកកេស្វរៈ (ព្រះលោកេសូរ ឬ ព្រះពោធិសត្វលោកេស្វរៈ) ដែលជាទេពការពារឃុំគ្រងក្រុងអង្គរធំនេះ ហើយព្រះបាទជ័យវរ្ម័នទី៧គោរពបូជាដល់ទេពលោកកេស្វរៈយ៉ាងខ្លាំង។
